برنامج ترتيب أمورك المالية | 4 أسابيع

راتبك بنزل… وبآخر الشهر مش عارف وين راح؟

أو بتحاول تعمل ميزانية وتوفّر، لكن بعد أسبوع أو أسبوعين بترجع لنفس عادات الصرف؟

برنامج ترتيب أمورك المالية مش مجرد جلسة واحدة

على مدار 4 أسابيع، رح نرتب وضعك المالي مع بعض، نعمل ميزانية تناسب دخلك وحياتك، ونتابع أسبوعياً عشان نعرف وين وصلت ونساعدك تلتزم بالخطة

والهدف؟

بعد نهاية البرنامج يكون عندك نظام واضح تقدر تكمل عليه بنفسك

ماذا يشمل البرنامج؟

الأسبوع الأول | جلسة ترتيب الأمور المالية – 60 دقيقة

في أول جلسة رح نأخذ صورة كاملة عن وضعك المالي:

دخلك الشهري
مصاريفك الشهرية
لأقساط والديون
المصاريف الأساسية وغير الأساسية
التوفير الحالي
الفائض الحقيقي من راتبك
أهدافك المالية

وبناءً على أرقامك، رح نبدأ بوضع ميزانية واقعية تناسب دخلك والتزامات

كمان رح نحدد هدف صندوق الطوارئ المناسب إلك والخطوات اللي لازم تبدأ فيها خلال الشهر

الأسبوع الثاني | متابعة – 30 دقيقة

بعد أسبوع من تسجيل مصاريفك، بنرجع نجتمع

رح نشوف

هل سجلت كل مصاريفك؟

هل صرفت أكثر أو أقل من المتوقع؟

وين راحت أغلب مصاريك؟

وهل الميزانية اللي حطيناها واقعية فعلاً؟

إذا احتجنا نغير شيء، بنعدل الميزانية مع بعض

الأسبوع الثالث | متابعة – 30 دقيقة

هون بنكون جمعنا معلومات أكثر عن عادات صرفك الحقيقية

رح نراجع تقدمك ونشوف

وين عم تلتزم؟
وين عم تواجه صعوبة؟
شو المصاريف اللي ممكن نقللها؟
هل قدرت تعمل فائض من دخلك؟

وبنحدد هدف واضح للأسبوع القادم

الأسبوع الرابع | المراجعة النهائية – 30 دقيقة

في نهاية الشهر، رح نراجع التجربة كاملة

نشوف قديش صرفت فعلياً، قديش قدرت توفّر، وين واجهتك مشاكل، وشو لازم تغير بالشهر القادم

وبنحط خطة تساعدك تكمل بإدارة ميزانيتك حتى بعد انتهاء البرنامج

فورم للميزانية مجاناً📊

البرنامج يشمل نسخة من فورم للميزانية الشخصية بدون تكلفة إضافية

رح تستخدم الفورم خلال الشهر لتسجيل وتنظيم

الدخل، المصاريف، الديون والأقساط، التوفير، والفائض الشهري

والأهم إنك بتقدر تستمر باستخدامه بعد انتهاء البرنامج لمتابعة ميزانيتك بنفسك

ليش المتابعة الأسبوعية؟

معرفة كيف تعمل ميزانية شيء

والالتزام فيها شيء ثاني

عشان هيك ما رح نحط ميزانية بأول جلسة ونتركك لحالك

كل أسبوع عندك جلسة متابعة، وبالتالي بتعرف إنه لازم تسجل مصاريفك وتعرف وين راحت مصاريك قبل موعدنا القادم

رح يكون عندك شخص يتابع تقدمك ويساعدك تظل مسؤول عن الخطة اللي حطيتها لنفسك

شو لازم تحضّر قبل أول جلسة؟

عشان نستفيد من وقتنا قدر الإمكان، حاول تحضّر

دخلك الشهري ومصادر الدخل
مصاريف آخر شهر، ويفضل آخر 2–3 أشهر إذا كانت متوفرة
الإيجار أو قسط السكن
قسط السيارة وأي أقساط أخرى
الديون وبطاقات الائتمان إن وجدت
الاشتراكات الشهرية
مصاريف الأكل والمواصلات والطلعات
المبلغ الموجود حالياً في التوفير
أي أهداف مالية حاب تحققها

مش لازم تكون أرقامك مرتبة

جزء من البرنامج أصلاً إننا نرتبها مع بعض

لمين هذا البرنامج؟

هذا البرنامج مناسب إلك إذا

راتبك بخلص ومش عارف بالضبط وين بروح
بتحاول توفّر بس مش قادر تلتزم
أول مرة بتعمل ميزانية
عندك أقساط أو ديون وبدك تشوف صورتك المالية بشكل أوضح
بدك تبدأ تبني صندوق طوارئ
عملت ميزانية قبل، لكن ما التزمت فيها
بدك شخص يتابع معك أسبوعياً ويحاسبك على الأهداف اللي حطيتها لنفسك

مش مهم يكون راتبك كبير

هدفنا نعمل أفضل خطة ممكنة بناءً على وضعك ودخلك الحقيقي

بعد 4 أسابيع، شو الهدف؟

الهدف إنك تكون

عارف بالضبط وين بتروح مصاريك
عندك ميزانية شهرية واضحة
متعود على تسجيل مصاريفك
عارف قديش فائضك الحقيقي
محدد هدف صندوق الطوارئ
وعندك نظام تقدر تستمر عليه بنفسك

بدل ما تسأل كل شهر وين راح راتبي؟

بدنا نوصل لمرحلة يكون فيها

كل دينار إله خطة

مدة البرنامج

اربع أسابيع

جلسة البداية: 60 دقيقة

ثلاث جلسات متابعة أسبوعية: 30 دقيقة لكل جلسة

جميع الجلسات تتم أونلاين

السعر: 75 دولار امريكي

بعد إتمام الدفع، رح تحصل على تعليمات حجز أول جلسة والبدء بالبرنامج

ملاحظة مهمة

برنامج ترتيب أمورك المالية مخصص لتنظيم الميزانية الشخصية، بناء عادات مالية أفضل، والتثقيف المالي العام

البرنامج لا يشمل توصيات شخصية بشراء أو بيع أسهم، صناديق استثمارية، عملات رقمية أو أوراق مالية، ولا يشمل إدارة أموالك أو ضمان تحقيق نتائج مالية محددة

أنت صاحب القرار في جميع قراراتك المالية.